БАДАЙ ТОҒАЙ МӘМЛЕКЕТЛИК ҚОРЫҚХАНАСЫ

 
Бадай тоғай мәмлекетлик қорықханасы - Әмиўдәрьяның төменги ағымында, Султан Ўәйис Баба таўлары етеклеринде, дәрьяның оң қырғағында жайласқан қорықхана.1971-жылы шөлкемлестирилген. Майданы 6462 гектар, соннан 3975 гектары тоғай орманлары менен қапланған [1997-жыл].

Тийкарғы ўазыйпасы дәрья әтирапының өсимлик фондын қорғаў, тоғайлықларды илимий үйрениў.

 

Бадай тоғай Мәмлекетлик қорықханасында [БМҚ] 167 өсимлик түри, 138 қус түри, 20 дан зыят сүт емизиўшилер ҳәм суўлы жерлеринде балық, Лапатанос тағы басқалар жасайды. 

 

Қорықханада Өзбекстан "Қызыл китабы"на киргизилген 60 тан зыят ҳайўанлар, соныңдай 1975-жылда Ромит қорықханасынан [Тәжикстан] келтирилген Бухара буғысы үнемли қорықланбақта [2 бас урғашы, 1 бас еркек ҳангул 1996-жылда 90 басқа жетти].


Қарақалпақстан Республикасының «Айрықша қорықланатуғын аймақлар ҳаққында»ғы нызамына көре қорықханаға 1993-жылы 24-декабрьде «Мәмлекетлик қорықхана» статусы берилди. [Дереккөз: ÓzME]